"ZPM hian election-ah khan manifesto-ah kan nei a. Chumia hmalakna kal zelah chuan Aizawl khawpui hi a hmasaah chuan paver kal theihna chinah hian kawng tha tak siam hmasak kan tum a, wheelbarrow kal theihna chin pawh siam vek kan tum” a ti.

“Tunhma deuh atang khan 'October ni 30-ah bul kan tan chat ang' kan ti thin a. Chutiang tur chuan contractor pawh ni 30-a bul tan chat thei turin an rawn inruahman a, zaninah hian bul kan tan ta a ni,” a ti bawk.

“PWD SE Office kawt atanga Ramhlun main road thleng hi zaninah hian zawh hman tur a ni a. Zan tin an thawk ang a, mipuite paw'n harsatna kan tawk a nih pawhin lo dawh hrâm hrâm ila, kawng țha kan neihna tur a nih chuan thawktute pawh lo tawiawm ila, a quality-ah erawh chuan i duhtui ang u," PWD Minister chuan a ti.

He hunah hian contractor Pratik Godha, Nidhi Creative Infrastructure Pvt. Ltd. chuan he hna thawk tura an inbuatsaihna leh hmalak an tum dan a sawi bawk.